HINDU KYA HAI..........????

Hindu sirf ek dharm nahi,

Ek soch, ek vichar hai.

Hindu ek vishwaas hai,

Ek sanskriti ka aadhaar hai.

Hindu ek parampara hai,

Hindu ek itihaas hai.

Hindu ek sabhyata hai,

Ye “HIND” ki pahchaan hai.

“Sahansheelta” iska bhav hai,

“Sahishnuta” iska marg hai.

“Nyaya” iska dharm kai,

Aur “satya” se ise pyar hai.

 “Mere hote, tum surakchit ho”.

Kahta hai jo, wo HINDU hai.

Manavta ki raksha sadiyon se,

Karta hai jo, wo HINDU hai.

Ho yudh agar avashyambhavi,

Burai ho achchayi par havi,

Phir bhi Shanti aur Aman ka marg,

Dikhata hai jo, wo HINDU hai.

Hai chir-pracheen sanskriti ye,

Yug-yugantar ka itihaas hai,

Par dambh tanik bhi nahi ise,

Samta mein iska vishwaas hai.

Badlaav se naa bair ise,

Karta sabko aatmasaar hai.

Isi karan “Dev” iske anginat,

Aur badh rahe lagataar hai.

Aye, dharm ke naam pe ladne walon,

“HINDU” ki paribhasha samjho.

“HIND – HINDU” poorak hain,

Is baat ko tum bhi mano.

Hindu sirf ek dharm nahi,

Ek soch, ek vichar hai.

Hindu ek vishwaas hai,

Ek sanskriti ka aadhaar hai.

Hindu ek parampara hai,

Hindu ek itihaas hai.

Hindu ek sabhyata hai,

Ye “HIND” ki pahchaan hai.

First Glance

Kitni Pyari hai wo, Hai wo kitni Haseen.
Dekhte hi use, ek Nasha cha gaya,
Uski yaadon mein, tanha baithe the hum,
Tanhai mein bhi, phir mazaa aa gaya.

Uff, ye tanha raatein……

Uff, ye tanha raatein……..

Kaatein to kaatein kaise,

Din to kat jaate hain, doston k sang,

Par kaise kate, ye tanha raatein,

Uff, ye tanha raatein………….

Ek meri hi nahi, sabki haalat hai yahi,

Kisi ke paas bhi, raat ka koi sahara nahi,

Koi laga hai phone pe apni “GF” ke saath,

To koi “Facebook” pe kar raha hai bakwaas,

Koi “C-S” khelne k bahane kar raha hai time-paas,

To koi hai movie, dekh raha anayaas.

Uff, Uff ye tanha raatein…………………

Din ke waqt to sabhi, niptaate jaroori kaam hain,

Raat ko mann mein machta “Mahasangram” hai,

Kabhi idher, kabhi udhar, par mann sthir nahi rahta,

Issi uhapoh mein, raat jaati hai gujar…..

Aur phir agle din, lagti hai doston ki mehfilein,

Aur phir waqt gujarne ka ehsaas nahi hota.

Waqt to bojhil tab hota jab aati phir sham hai,

Aur phir dhoondhne lagte hain sabhi naye bahane..

Uff, ye tanha raatein……

Kaatein to kaatein kaise,

Din to kat jaate hain, doston k sang,

Par kaise kate, ye tanha raatein..

Uff, ye tanha raatein……..

Mere dost mujhe bahut yaad aayenge

Shuruaat ki thi humne, ajnabiyon ki tarah,

Dil mile, dost bane, aur karwaan ban gaya.

Kabhi lagta tha 4 saal, bahut jyaada hote honge,

Ye waqt kab beeta, kuch pata bhi na chala.

Flashback:-

Jab aaya tha “Main”, tha sabse anjaan,

Thoda sahma, thoda jijhka, thoda pareshaan,

Phir dost bane, aur mila saath,

Aur hui saari muskil aasaan,

Wo jijhak gayi, aur mila vishwaas,

Aur “Main” phir “Hum” mein badal gaya.

Phir waqt ke maano pankh lage,

Naa raha hume kuch bhi dhyaan,

Apni tnadra to tab tooti,

Jab aaya 8^th sem ka exam.

Phir laga ki jaise kuch din mein,

Sab apni raah chale jayenge,

“Main” kisi ko yaad aaun-na-aaun,

Mere dost mujhe bahut yaad aayenge.

On end note:-

“Main” kisi ko yaad aaun-na-aaun,

Mere dost mujhe bahut yaad aayenge.